DERSİM ZAZA PLATFORMU
   
  Dersim Zaza Platformu
  Sait ÇİYA
 

Kılamê Sait Çiyayi_Sait Çiya'nın Şiirleri
         

           Miandonıke-2005
       http://dersimzazaplatformu.de.tl/


Kılamê Sait Çiyayi_Sait Çiya'nın Şiirleri


Sait Çiya  Harçik Vadisi


MINETE


Rae ra veciyo, xora remeno
Famkoro, ra u rêçe nasnêkeno
Esqiye ro cı sarri goyneno
Haw re cı niyo, xo baqıl zoneno

Zaf cerabnaime nêguret xo ser
Zurê xo bi vıla, welat guret xo ver
Sarri re koleo, mare cengaver
Rêe gıno waro, aqıl nêno ser

Kes xo mexapno, thaba mepino
Se vanê vazê, çarê xo çino
Vınde şero, endi peyser nêno
Mıneta mına gosu de bımano

Thurık sare de, sımer ver de bo
Xore rınd boro, pizê xo mırd bo
Afsar vıle de, palan ser de bo
Zobi se vaci, cırê bımbarek bo

http://www.dersimsite.org/minete.html
...............................................................

              Pırdê-temti-04


BESO


Sa u sor ra qeseykena
Nata bota çım sıknena
Qelem dest de nusnena
Têv de bıraê mı têv de

Dı guçıki de kaykena
Ge pê ma qaila, ge qarina
Vızer lê ma de biya, ewro niya
Çerx de bıraê mı çerx de



Zaf zanoğa rae musnena
Angorê kêfê xo nusqa vırezena
Verg de wena, qılancıke de qıştnena
Pê ver de bıraê mı pê ver de

To re vatê ê maê ma rew xapinê
Zerrê pakê, her keşi jê xo zonenê
Çewt u rast nêvana thurik ra erzena
Ě to beso, dür so bıraê mı dür so

Jêde derg nêkerine tham fek de bımano
Xora qom re eşkerao honde ki beso
Kam ke fızılo vıle bın de bımano
Ma rê saredezo sıma ki vazê endi beso

Wayırê anori nêcenê xo ser
Fızıli verreminê xo erzenê ver
Sindorê xo bızonê honde mêrê ma ser
Azê kou raime reyna urzeme ra xo ser


30/1/2009

Sait Çiya

............................................................... 


                 Dap-2004


WAXTÊ GOÇÍYO


Sait Çiya

Serba dırbeta 38i

Waxtê goçiyo
Ma ver de mızê kertê kou
Na het welato do het merdene
Hard qılaşino ra roz sermaino
Mezelê ma manenê ma pey de


Postalê ma poyıay warwaime
Perr u payê ma şikiyê
Jê mırçikê dırbetınu bêteqetime
Dılopê goni manenê kemeru ser de

Êndi dore phepugiyo
Tırami sona xoro lozıne dü nêkena
Vılê ma çewto bextê ma şia
Vengê ma maneno ma pey de

Raa ware niya, goçê veyve niyo
Usar vêrdo ra payız niyo
Amnono
Hêgay zerdê, zerdaliy surê
Terteleo
Cendegê ma manenê ma pey de


http://www.dersimsite.org/gociyo.html
...................................................................



          Pırdê-xanıme

Zonê Mı

Sait Çiya

Zonê mı, roê mı
Hewesê mı, roṣtia çımunê mı
Kılıtê mezgê mı, bıngê aqılê mı
Thamê fekê mı, thılsımê estena mı

Zonê mı, nuĝdê zerrê mı
Ge ebe veng, ge bê veng
Qese be qese, reng be reng
Zonê mı, bılbılê zerria mı

Zoni pêro rındekiê
Baxçê mordemiye de vılikiê
Jê astarunê asmeniê
Taê bereqinê, taê qurfinêHata ke can mı de ro
Qeseykon, van, nusnon
Ro jiargeyo, zon xalêta Xızıriyo
Roê mıno, koto dılĝê zonê mı


            Miandonıke-2004 

http://www.forum-prinz.com/cgi-bin/forum.cgi?forum_name=1482&message_number=86&pid=LD2L27weRb9xA


 
  Heute waren schon 7 ziyaretçi (22 klik) hier! Dersim Zaza Platformu  
 
=> Sen de ücretsiz bir internet sitesi kurmak ister misin? O zaman burayı tıkla! <=
Dersim Zaza Platformu